గురు వ్యాఖ్యనం-40

 

ఓం గం గజకర్ణికాయ నమః

ఇది విఘ్నేశ్వర మంత్రం లో ఒక గొప్ప మంత్రం.వినాయకునికి ఒక 16 నామాలు ఉన్నాయి.

సుముఖశ్చైక దంతశ్చ కపిలో గజకర్ణకః

లంబోదరశ్చ వికటో విఘ్నరాజో గణాధిపః

ధూమకేతుర్గణాధ్యక్షః  ఫాలచంద్రోగజాననః

వక్రతుండః శూర్ప కర్ణో హేరంబః స్కంద పూర్వజః

ఇవి ఉదయ కాలంలో చదివితే మరీ మంచిది.ప్రయాణంలో చదివితే విఘ్నాలు తొలగిస్తాయి.

                      కలియుగంలో చాలా తొందరగా చెవుడు వస్తోందిట. తెలుగులో పోతనగారు కూడా అలసులు,మంద బుద్ధులు,అల్పతరాయువులు,ఉగ్రరోగ సంకలితులు,మందభాగ్యులు సుకర్మములెన్నియు చేయజాలరీ  కలియుగమందు  మానవులు అని కలియుగంలో మానవులు సోమరిపోతులై ఉంటారు, రోగాలతో ఉంటారు.చెవుడు వల్ల నానా యాతన పడుతూ ఉంటారు అని చెప్పారు.ఈ చెవిటిని తగ్గించి శ్రధ్ధగా వినగలిగే సామర్థ్యాన్ని ఇచ్చే మంత్రం ఇది.

మంత్ర ప్రయోగం - ఫలితం:

బుధవారం అంటే విఘ్నేశ్వరుడికి చాలా ఇష్టం.వినాయకుని ప్రతిమని మట్టితో కానీ వెండితో కానీ,  పటం కానీ పెట్టుకుని  దాని ఎదురుగుండా చాప,దర్భ,పీట వీటిల్లో ఏదో ఒక ఆసనం వేసుకుని  ఈ నామాన్ని 108 సార్లు  ప్రతి బుధవారం  గరికని తీసుకుని చెవి దగ్గర పెట్టి ఈ మంత్రం చదువుతూ విఘ్నేశ్వరుడి మీద  పెట్టండి.

                            గం అనే బీజం విఘ్నేశ్వరుడికి చాలా ఇష్టం. మూలాధారచక్ర అధిష్ఠాన దేవత గణపతి. ఆయన నాదం' గం' అనే బీజం.ఈ బుధవారం నాడు కొంచెం బెల్లము ముక్క నైవేద్యం పెట్టి ఈ రోగి దానిని తినాలి.సాయంత్రం అయ్యాక ఈ గరికని పక్కకి పెట్టి పటాన్ని ఒక పురోహితుడికి దక్షిణతో దానం చేయండి.9 బుధవారాలు గణపతిని  గరికతో ఈ మంత్రం తో పూజిస్తే మంచి శ్రవణ శక్తి వస్తుంది.

సూచన:

గురువుల ద్వారా మంత్రోపదేశం ఉన్నవారు ఓంకారం చేర్చుకుని లేనివారు ఓంకారం లేకుండా జపం చేసుకోవచ్చు.

https://srivaddipartipadmakar.org