గురు వ్యాఖ్యనం -34

ఓం కామేశ్వర ప్రాణనాడ్యై నమః

ఇది లలిత సహస్రనామములోని గొప్ప మంత్రం.కామేశ్వరుడు అని ఒక గొప్ప మహానుభావుడు ఉన్నాడు.లలితాదేవికి భర్త.బ్రహ్మ , విష్ణువు , మహేశ్వరులకు కూడా మూలమైన విరాట్ పురుషుడు కనుక ఆయనకు కామేశ్వరుడు అని పేరు.కామము అంటే కోరిక.కోరికలను తీరుస్తాడు కనుక కామేశ్వరుడు అయ్యాడు.

                          ఆయనకి ప్రాణనాడి అమ్మవారు.తన భర్తని అదుపులో పెట్టుకుని భర్తకి ప్రాణమునిచ్చునది అని అంతరార్థం.భార్యని ప్రేమించి తద్వారా జ్ఞానాన్ని , ఐశ్వర్యాన్ని పొందమని శ్రీ దేవీభాగవతం చెబుతున్నది.

మంత్ర ప్రయాగం - ఫలితం:

ఈ మంత్రం ప్రతి శుక్రవారం , మంగళవారము , ఆదివారాలలో 108 పర్యాయాలు ఆడ ,మగ జపిస్తే భార్యా భర్తల లో ఐకమత్యం ఉంటుంది.విడిపోరు.భార్యని గౌరవించడం అంటే ఏమిటో పురుషుడికి నేర్పుతుంది. భార్యని గౌరవించడం వల్ల సంఘంలో గౌరవం , ధనము వస్తాయి. ఇంటికి మారు రూపమే గృహిణి.

                      అటువంటి గృహిణి వల్ల మానవునికి ఎన్ని రకాల సౌఖ్యాలు రావాలో అవి అన్నీ ఇస్తుందిట ఈ నామం.అందుకని ఇది మహామంత్రంగా చెప్పారు.ద్రౌపదీ దేవి ఇది చేయటం వల్లే పంచపాండవులని ఒకే రకంగా  ప్రేమించి పరమ ప్రతివత అని పేరు తెచ్చుకుందిట.పాండవులు ఇది జపించడం వల్లే  ఏనాడూ ద్రౌపదికి వ్యతిరేకంగా వాళ్ళు మాట్లాడలేదు.

సూచన:

గురువుల ద్వారా మంత్రోపదేశం ఉన్నవారు ఓంకారం చేర్చుకుని , లేనివారు ఓంకారం లేకుండా జపం చేసుకోవచ్చు.

https://srivaddipartipadmakar.org/